‘मेरो पुस्तकमा कसले लेखिदियो’ बालगीत भव्य कार्यक्रमका बीच सार्वजनिक
कपन, काठमाडौँ — बालबालिकाको अध्ययन, सिर्जना र उनीहरूको बालसुलभ प्रतिभालाई प्रवर्द्धन गर्ने उद्देश्यका साथ सिर्जित नयाँ बालगीत ‘मेरो पुस्तकमा कसले लेखिदियो’ (In My Book) को सांगीतिक भिडियो एक विशेष कार्यक्रमका बीच सार्वजनिक गरिएको छ। कपनस्थित जोसेफ हाई स्कुलको सभाहलमा आयोजित कार्यक्रममा उक्त गीतको अडियो तथा भिडियो औपचारिक रूपमा सार्वजनिक गरिएको हो।
वरिष्ठ साहित्यकार, लेखक तथा गीतकार रामबाबु सुवेदीको शब्दरचनामा तयार भएको यस गीतको भिडियो उहाँकै आधिकारिक युट्युब च्यानल (Rambabu Subedi) मार्फत बजारमा ल्याइएको छ।
स्वदेशी बाल सामग्री र भाषा-संस्कृतिको जगेर्ना
कार्यक्रममा वक्ताहरूले विदेशी डबिङ, कमसल ज्ञान र न्यून गुणस्तरका बालबालिका लक्षित भिडियो तथा गीत-संगीतले नेपाली बालबालिकाको सिकाइ र मानसिकतामा गम्भीर नकारात्मक असर पार्ने गरेको बताए। यस्ता नकारात्मक असरहरूलाई न्यूनीकरण गर्न र स्वदेशी भाषा, संस्कृति तथा मौलिकताको जगेर्ना गर्न यस्ता उच्चस्तरीय बाल-सामग्रीहरूको निर्माण अत्यन्तै आवश्यक रहेकोमा जोड दिइएको थियो।
गीत तथा भिडियोको प्राविधिक पक्ष
- गीतकार: रामबाबु सुवेदी
- संगीतकार: मिलन तिमल्सिना
- गायक: बालगायक श्रेअन्श तिमल्सिना
- संगीत संयोजक तथा मिक्सिङ: बिशन मानन्धर
- रेकर्डिस्ट: बिक्रम थापा (हार्मोनिक रेकर्डिङ स्टुडियो, डिल्लीबजार, काठमाडौँ)
- निर्देशक: आचार्य गोपाल
- साझेदार संस्था: किताब – चरो नेपाल (Book – Bird Nepal)
यस गीतको उत्पादन डा. राजेन्द्र पौडेल र श्रीमती प्रभा अधिकारी पौडेलको प्रायोजनमा भएको हो। साथै, कास्कीको हंसपुरका विशिष्ट कृषक पदम पौडेल र मधुमाया पौडेलप्रति गीत विशेष समर्पित गरिएको छ।
बालकलाकारहरूको अभिनय र सहकार्य
बुढानीलकण्ठ-१०, कपनस्थित जोसेफ हाई स्कुलको सहकार्यमा यस भिडियोको छायांकन तथा बालकलाकार संयोजन सम्पन्न भएको हो। भिडियोमा बालकलाकारहरू श्रेअन्श तिमल्सिना, कुशल गुरुङ र इभा गौतमको मुख्य भूमिका रहेको छ।
त्यस्तै, भिडियोमा एलिशा बाँस्कोटा, नामलिङ्ग्मा लिम्बू, अरिका चौधरी, दीपशिखा पौडेल, दिव्या पराजुली, मेहरिका मगर, निरुजा मैनाली, अनुष्का ढुङ्गाना, दीपशिखा श्रेष्ठ, मन्दिपा खड्का, जेनिशा थोकर, कृषा पोखरेल, हर्षिका तिमल्सिना, शुभम कार्की, अब्दिएल राई, ईशान घिमिरे, लक्षितजङ्ग थापा, नवीन थापा र मिषेक थापा मगर लगायतका थुप्रै बालबालिकाहरूले उत्कृष्ट अभिनय गरेका छन्।
सार्वजनिक कार्यक्रमका मुख्य वक्ता तथा अतिथिहरू
कपनस्थित जोसेफ स्कुलको हलमा सम्पन्न सार्वजनिक कार्यक्रममा बुढानीलकण्ठ नगरपालिका वडा नं. १० का वडाध्यक्ष नवराज भट्टराई, बुढानीलकण्ठ नगरपालिकाका शिक्षा विभाग प्रमुख तथा गीतकार ललितविक्रम सिंह, संगीतकार उत्तम पौडेल, जोसेफ इन्टरनेसनल स्कुलका प्रिन्सिपल मनोज अधिकारी, संस्थापक प्रिन्सिपल सूर्यबहादुर अधिकारी र प्रशासन प्रमुख जे. बी. दीपक अधिकारी लगायतको उपस्थिति रहेको थियो।
कार्यक्रममा उपस्थित वक्ताहरूले गीतको शब्द, संगीत, छायांकन र बालबालिकाले गरेको अभिनयको उच्च प्रशंसा गर्दै यस्ता सिर्जनाहरूले बालबालिकाको बौद्धिक विकासमा सकारात्मक प्रेरणा दिने विश्वास व्यक्त गरे।
