पूर्व प्रधानमन्त्री डा. बाबुराम भट्टराई भारत प्रस्थान गर्दै, अन्तर्राष्ट्रिय कार्यक्रममा प्रमुख वक्ता
काठमाडौं, चैत्र २८ — नेपालका पूर्व प्रधानमन्त्री डा. बाबुराम भट्टराई भोलि (चैत्र २९ गते) भारत प्रस्थान गर्ने भएका छन्। उनी भारतमा आयोजना हुने एक अन्तर्राष्ट्रिय बौद्धिक सम्मेलनमा सहभागी हुन जान लागेका हुन्।
उक्त कार्यक्रममा विश्वका विभिन्न क्षेत्रका ख्यातिप्राप्त विद्वान, अनुसन्धानकर्ता तथा नीति विश्लेषकहरूको सहभागिता रहने जनाइएको छ। सो सम्मेलनमा डा. भट्टराई प्रमुख वक्ताका रूपमा सहभागी हुने कार्यक्रम तय भएको छ।
उनले आफ्नो सम्बोधनमार्फत दक्षिण एशियाको समसामयिक राजनीति, विकास मोडल, लोकतन्त्रको सुदृढीकरण तथा विश्वव्यापी आर्थिक–सामाजिक रूपान्तरणका विषयमा विचार प्रस्तुत गर्ने अपेक्षा गरिएको छ। भट्टराई विगतदेखि नै अन्तर्राष्ट्रिय मञ्चहरूमा राजनीतिक रूपान्तरण, समावेशी विकास र वैकल्पिक आर्थिक सोचका विषयमा धारणा राख्दै आएका छन्।
कार्यक्रमका क्रममा उनले विश्वविद्यालयका विद्यार्थी, प्राध्यापक, अनुसन्धानकर्ता तथा सार्वजनिक बौद्धिक समुदायसँग अन्तरक्रिया गर्ने पनि कार्यक्रम रहेको छ। यस्तो अन्तरक्रियाले नेपाल र अन्तर्राष्ट्रिय बौद्धिक समुदायबीच विचार आदान–प्रदानलाई थप मजबुत बनाउने विश्वास गरिएको छ।
डा. भट्टराई हाल समाजवादी धारका राजनीतिक अभियानमा सक्रिय छन् र नेपालमा संविधान निर्माण प्रक्रिया, शान्ति प्रक्रिया तथा आर्थिक नीति बहसमा महत्वपूर्ण भूमिका निर्वाह गरेका राजनीतिक व्यक्तित्वका रूपमा चिनिन्छन्।
उनको भारत भ्रमणलाई नेपाल–भारत बौद्धिक तथा नीतिगत सम्बन्ध विस्तारको अवसरका रूपमा समेत हेरिएको छ।
