काश्मिर घटना र मानवअधिकार हनन

जीएनएनएफले काश्मिरको पहलगाममा २२ अप्रिल २०२५ मा एक नेपाली नागरिकको मृत्युको निन्दा गरेको छ। यो घटनालाई भारतको मोदीको फासिस्ट शासन को हिस्सा भएको भन्दै आलोचना गरिएको छ। काश्मिरमा भएको गिरफ्तारी, घर भत्काउने र मानवअधिकार हननले क्षेत्रीय अस्थिरता र सामूहिक सजायको डर उत्पन्न गरेको छ।

महाकाली नदी अतिक्रमण र पानी आतंकवाद

भारतले इन्डस पानी सन्धि उल्लंघन गरी पानी आतंकवाद मा संलग्न भएको जीएनएनएफको दाबी छ। नेपाल र पाकिस्तानमाथि पानीको नियन्त्रण, बाँध निर्माण र सीमामा तटबन्ध उठाएर बर्खामा बाढी ल्याउने कार्यले लाखौं जनताको जीवन र जीविकोपार्जनलाई प्रभावित पारेको छ। विशेष गरी नेपालमा कोशी, गण्डकी र महाकाली नदी को नियन्त्रण र जलविद्युत् परियोजनाहरूमा भारतको हस्तक्षेपले नोक्सान पुगेको जनाइएको छ।

छिमेकी देशमाथि दादागिरी

भारतले नेपाल, पाकिस्तान, बङ्गलादेशलगायत छिमेकी देशहरूको सार्वभौमसत्ताको सम्मान नगरेको र युद्धोन्माद फैलाएको आरोप छ। कलापानी-लिपुलेक-लिम्पियाधुरा क्षेत्रमा भारतीय एसएसबीको उपस्थितिलाई नेपालको भूमिमा अतिक्रमणको रूपमा चित्रण गरिएको छ।

माग र आह्वान

• नेपाललाई भारतले “कमजोर निरीह र जे गर्दापनी हुने पात्र” को रूपमा हेर्न नहुने।
• पारदर्शी अनुसन्धान र दोषीलाई कारबाही गर्नुपर्ने।
• भारतले मित्रराष्ट्रसँगको सम्बन्ध बिगार्ने कार्य रोक्नुपर्ने।
• तटस्थ र निष्पक्ष छानबिनको लागि विश्व समुदायसँग सहकार्य गर्नुपर्ने।

ग्रेटर नेपाल कम्युनिस्ट पार्टी को तत्फबाट बिकल्प र ग्रेटर नेपाल रास्ट्रबादी मोर्चा अध्यक्षको तर्फबाट फणिन्द्र नेपाल द्वारा हस्ताक्षरित ज्ञापन पत्रमा दक्षिण एसियामा शान्ति र सुरक्षाको लागि भारतको व्यवहारमा परिवर्तन आवश्यक रहेको जोड दिएका छन्।