पोखरेलले माफी मागेपछि पूर्व शिक्षा मन्त्री सांसद डा. महावीर पुन यस्तो प्रतिकृया दिएका छन् ।-
“ल, हिजोका धाँस देखाउने सांसदले माफी मागेको कुरा थाहा भयो। माफी माग्नु एकदमै राम्रो काम हो। काम गर्दा कुनै न कुनै कुरामा कहिलेकाहीँ अवश्य पनि गल्ती हुन्छ। जानाजानी अथवा अन्जानमा गरेको गल्ती जे जस्तो भए पनि स्वीकार गर्न र गल्तीलाई सुधार गर्न डराउनु वा लाज मान्नु हुँदैन। नेपालको राजनीतिक व्यक्तिहरू र पार्टीहरूले यो कुरा सिक्नु अत्यन्त जरुरी छ। होइ साथीहरू!”
रास्वपा सांसद तथा नेपाल प्रहरिका पूर्व एआईजी बिस्वराज पोखरेलले ओखलढुङ्गामा एक विद्यालयका प्रअलाई गरेको दुर्व्यवहारको भिडियो लिंक फेसबुकबाट सेयर गर्दै स्वतन्त्र सांसद महावीर पुनले घटना बाहिरिए लगत्तै आक्रोशित मुद्रामा यस्तो लेखेका थिए । –
“यिनी कुन पार्टीका हुन् कुन्नी? म यिनको नेता भएको भए ठाउँको ठाउँ ठहरै बर्खास्त गरेर घर जाने टिकट काटेर पठाउने थिएँ। सांसद भनेको जनताको नोकर हो। एउटा सांसदले आफ्नो क्षेत्रको जनताले अह्राएको काम गर्नु पर्छ। ५ वर्षसम्म आफ्नो समय र बलबुद्धि जनताको काममा लगाउनु पर्छ। बाटोमा स्वागत गरेनन् भनेर उसले दुनियाँले देख्ने र सुन्ने गरेर यति धेरै धाक र रवाफ दिनु हुन्छ? कि तुरुन्त माफी माग्नु पऱ्यो कि त सारा जनताले फिर्ता बोलाउनु पऱ्यो। सांसद पदको बेइज्जत नै गऱ्यो त।”
व्यापक विरोध हुन थालेपछि पोखरेलले आफ्नो गल्ती नभएको भन्दै माफी भने मागेका छन्।
