६. रवि लामिछानेको बयान कागज व्यहोरा:
मिति २०८२ भाद्र २३ गतेसम्म कारागारको अवस्था सामान्य नै थियो। तर भाद्र २४ गते करिब दिउँसो १२:३० बजे कारागारका नाइकेहरूले मलाई कार्यालयमा बोलाई सुरक्षा निकायका प्रतिनिधिहरूले कारागार बाहिर असामान्य अवस्था सिर्जना भएको, ठूलो भीड जम्मा भएको र मलाई परिवार तथा पार्टीको जिम्मा लगाई बाहिर पठाउनुपर्ने अवस्था आएको जानकारी गराए। मैले अदालतको आदेश बिना कारागारबाट बाहिर निस्कन अस्वीकार गरेँ। तथापि, जेल प्रशासनले भीडलाई म स्वयंले सम्झाउन सक्ने भन्दै पटक–पटक आग्रह गरेपछि म कारागार प्राङ्गणमै रहेर भीडलाई सम्बोधन गर्न तयार भएँ र माइक्रोफोनको व्यवस्था गर्न भनेँ। प्रहरी आतिएको अवस्थामा भीडले मलाई बलपूर्वक बाहिर पुर्यायो। त्यसपछि म कारागार छेउको रेष्टुरेन्टको बाल्कनीमा चढी भीडलाई शान्ति, संयमता अपनाउन र सार्वजनिक सम्पत्तिको संरक्षण गर्न अपिल गर्दै सम्बोधन गरेँ।
जेन जि आन्दोलनको यथार्थ खोज्न शुसिला कार्की (अन्तरिम सरकारले गठन गरेको) गौरी बहादुर कार्की नेतृत्वको छनबिन समितिको लिक भएको प्रतिबेदनको अंश
कारागार प्रशासनले मलाई औपचारिक रूपमा थुनामुक्त गर्ने पत्र दिने तयारी गरेको रहेछ, तर पत्र तयार नहुँदै भीडले मलाई कारागार बाहिर लग्यो। पछि मैले कारागारबाट पत्र आएको जानकारी पाएँ, तर त्यसमा हस्ताक्षर गर्ने वा लेखन प्रक्रियामा मेरो कुनै सहभागिता थिएन, त्यसैले सो पत्रको सम्बन्धमा जेल प्रशासन स्वयं जवाफदेही हुनुपर्छ भन्ने मेरो धारणा हो। वास्तवमा मलाई कारागार प्रशासनकै निर्देशनमा भीडको जिम्मा लगाइयो र म निस्कन नचाहँदा–नचाहँदै जबरजस्ती बाहिर पठाइयो।
जेन जि आन्दोलनको यथार्थ खोज्न शुसिला कार्की (अन्तरिम सरकारले गठन गरेको) गौरी बहादुर कार्की नेतृत्वको छनबिन समितिको लिक भएको प्रतिबेदनको अंश
भाद्र २४ को घटनामा मेरो र मेरो पार्टीको संलग्नता नरहेको स्पष्ट पार्दै मैले र “राष्ट्रिय स्वतन्त्र पार्टी” ले कुनै पनि हिंसात्मक क्रियाकलापमा प्रत्यक्ष वा अप्रत्यक्ष भूमिका नखेलेको जनाएको छु, र यदि कोही संलग्न भेटिए कडा कारबाही गरिनेछ भन्ने प्रतिबद्धता व्यक्त गरिएको छ। कारागारबाट बाहिरिएपछि शुभेच्छुकहरूको सहयोगमा कलाकार रमेश ढकालको गाडीमार्फत म सुरक्षित स्थानमा पुगें र तत्क्षण नेपाल प्रहरी, सशस्त्र प्रहरी तथा नेपाली सेनाका प्रमुखहरूलाई आफ्नो अवस्थाबारे जानकारी गराएँ।
जेन जि आन्दोलनको यथार्थ खोज्न शुसिला कार्की (अन्तरिम सरकारले गठन गरेको) गौरी बहादुर कार्की नेतृत्वको छनबिन समितिको लिक भएको प्रतिबेदनको अंश
सोही साँझ मैले भिडियो सन्देशमार्फत पनि जनतालाई “म सुरक्षित छु र अदालतमा पुनः उपस्थित हुनेछु” भन्ने जानकारी दिएँ। मिति भाद्र २८ गते सुरक्षाको प्रत्याभूति पाएपछि म पुनः नख्खु कारागार फर्किएँ। यस घटनाक्रमबाट सिक्दै कारागार सुधारका लागि खुला कारागार नीति अवलम्बन गर्नुपर्ने, कैदीबन्दीको मानसिक स्वास्थ्य तथा कानुनी परामर्श प्रणाली सुदृढ गर्नुपर्ने र कैदी पुनर्स्थापना संयन्त्र स्थापना गर्नुपर्ने सुझाव म राख्दछु।
जेन जि आन्दोलनको यथार्थ खोज्न शुसिला कार्की (अन्तरिम सरकारले गठन गरेको) गौरी बहादुर कार्की नेतृत्वको छनबिन समितिको लिक भएको प्रतिबेदनको अंश
