राजनीति भद्रगोल भयो, संसद पंगु भयो : केपी ओली

३१ साउन, काठमाडौं । नेकपा एमालेका अध्यक्ष केपी शर्मा ओलीले संसद पंगु भएको टिप्पणी गरेका छन् । बुधबार काठमाडौंमा अखिल नेपाल महिला संघले गरेको कार्यक्रममा उनले गठबन्धन सरकार बनेपछि संसद, संसद जस्तो नभएको र अदालत, अदालत जस्तो हुन नसकेको बताएका हुन् ।

‘यो गठबन्धनको एक बर्षको सरकारमा हामीले देख्यौं, भोग्यौं हामीले । अर्थतन्त्र ओरालो लाग्यो, राजनीति भद्रगोल भयो । संसद पंगु भएको छ । संसद, संसद जस्तो छैन । सरकार, सरकार जस्तो छैन । अदालत, अदालत जस्तो छैन् । अदालतमा मारामार छ । प्रधानन्यायाधीशमाथि ६ महिना भन्दा बढी हुन लाग्यो महाअभियोग लागेको’ उनले भने ।